Monday, September 25, 2006

"威威至激之旅"

昨天看罷那個"威威至激之旅"(其實我已看過多次),感覺冇變,一樣係--

兩老反應如下︰
媽︰「以前果D仲好睇啦!冇厘頭,都唔知做嘜?」
爸︰「眼都花!冇題材,一味係度震,當按摩又唔舒服...」
媽︰「把鬼呀。D公仔咁肉酸...」
爸︰「仲噴到我成臉水...都唔知有冇菌?」

男人︰「究竟威威係嘜?」
"威威至激之旅",威威一D都唔威!

這條片製作成本不少,最出事地方有三:
1. Storyboard 故事分鏡
太貪心,太多嘢,動感畫面過多︰ 郁得太密太多太亂。完全沒有讓觀眾休息回氣位。

2. 準備配套欠奉
等候的環境及時間通常會刻意佈置與片中有關的情景,讓觀眾"熱身"、足夠有心理準備,從而容易投入及期待....可惜,一切準備配套久奉 。

3. Character 人物造型太out
那些人物造型實在太"娘"及太"老套",欠缺時代感及觀眾緣。所有的造型還是 70-80年代的美國卡通片風格。你看米奇,每隔一段時間便會更新造型,令他保持時代感。又或者好像日本的超Cutie風格,都能吸引大人細路。

我支持"海洋公園"多過"香港廸士尼公園"!話晒都是自家本土品牌。"廸士尼"開幕至今 , 海洋公園不但沒有被"廸"打殘之餘,業績更穩步上升。好!

不過,似乎係時候重新設計過哂D人物造型,令"威威"真係威喎
.

2 comments:

靜儀 said...

海洋公園d公仔造型真係搵西人design...所以真係好有美國味...而且仲係老土果隻...最嚇人係隻蝴蝶...可以搵黎喊驚...:p

JJ said...

果隻蝴蝶真的相當可佈...完全同其他"海洋類"造型格格格格格不入.
反而個"熊貓"logo設計得幾可愛.

Related Posts Plugin for WordPress, Blogger...